Transkaspıı halyqaralyq kólik baǵytyn (THKB) odan ári damytýǵa arnalǵan is-sharaǵa Qazaqstan, Ázerbaıjan, Grýzııa jáne Túrkııanyń syrtqy ister mınıstrleri jáne kólik máselelerine jaýapty mınıstrlikterdiń basshylary qatysýda, dep habarlaıdy Egemen.kz.
Aqtaýda Ázerbaıjan, Qazaqstan jáne Túrkııa syrtqy ister jáne kólik mınıstrleriniń ekinshi úshjaqty kezdesýi ótip jatyr. Kezdesýge Ázerbaıjan Syrtqy ister mınıstri Djeıhýn Baıramov, Túrkııa Syrtqy ister mınıstri Mevlút Chavýshoǵlý, Qazaqstannyń Syrtqy ister mınıstri Muhtar Tileýberdi, sondaı-aq Grýzııa delegasııasy da qatysýda.
Indýstrııa jáne ınfraqurylymdyq damý mınıstri Qaıyrbek О́skenbaev Transkaspıı halyqaralyq kólik baǵyty arqyly júkterdi tasymaldaýdyń birneshe ese óskenin atap ótip, atalǵan halyqaralyq marshrýttyń ótkizý qabiletin keńeıtý úshin Qazaqstan tarapynan qabyldanǵan sharalar týraly baıandady.
27 maýsymda Bakýde mınıstrlerdiń birinshi otyrysy ótip, onyń barysynda Baký deklarasııasy qabyldandy. Qujat kólik jáne kommýnıkasııa salasyndaǵy yntymaqtastyqty kózdeıdi. Aqtaýdaǵy talqylaýlardyń negizgi taqyryptary úshjaqty jáne aımaqtyq yntymaqtastyqty keńeıtý jáne Kaspıı teńizi arqyly ótetin Shyǵys-Batys Orta dáliziniń áleýetin damytý bolady dep boljanýda.